فاكر يا حبيبي زمان
لما كنا في يوم حبايب .
لما كان في ود بينا
والهوى في قلوبنا دايب
كانت الدنيا جميله ومجملها الحنان .
كنا حاسين بالدفا
كان مدفينا الامان .
فجأة ضاعت من إيدينا
سنين هوانا وحبنا .
ودموعنا جريت من عنينا
وزاد ألمنا وجرحنا .
مين السبب ؟
إنت ولا انا ولا مين
ولا إحنا الاتنين .
كنا في الهوى ضحايا ومظلومين .
إنت اللي بعت الحب إنت مش أنا
وإنت اللي ضعت
و ضاعت معاه كل المنى .
لما إفترقنا وتاه طريقنا مننا
صعب اللقا من تاني .
أصعب كلمة تجمع شملنا
ما فتكرش ان الوفا ممكن يعود .
ماتت في بستان حبنا كل الورود
مافتكرش ان الوفا ممكن يعود .
نار حب كانت بس
طفاها الجحود و باتت رماد .
إنساني وأنسى إني فيوم كنت الحبيب .
وانا برضه هنسى
وكل شئ قسمه ونصيب .
مش بإيدي إني أسامحك
اوعى تطلب السماح .
يا اللي جرحك صعب
فاق كل الجراح .
يا الحبيب اللي جرح اجمل
معاني الحب فيا .
يالحبيب اللي فرح
لما انجرح قلبي ودبلت عنيا .
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
ودي وحبي للجميع
النمط الخطي
